Медиумите од Англија пренесуваат дека сопственикот на Ливерпул, Џон Хенри го понудил својот приватен авион за Луис Саурез што поскоро да се врати во Мерсисајд...

Напаѓачот во овој момент е во Уругвај, каде во среда на полноќ ќе го одиграат вториот натпревар против Јордан во баражот за пласман на СП 2014.

Луис Суарез би требало да се врати во Англија во петок, на само 24 часа од локалното дерби помеѓу Ливерпул и Евертон.

Репрезентативецот на Уругвај е во одлична форма, ’Црвените’ се свесни дека играчот е од огромна важност, па сопственикот на клубот сака да го врати Луис Суарез што поскоро во Мерсисајд.

Медиумите од ’Островото’ пренесуваат дека Џон Хенри го понудил својот приватен авион за Луис Суарез да пристигне во Ливерпул во четврток, и да има повеќе време за соодветно да се подготвени за пресметката со Евертон.

Уругвај обезбеди победа од 5-0 на гостувањето кај Јордан во првиот натпревар од баражот за пласман на Светското Првенство, па реванш средбата е само формалност.

Извор: 24FUDBAL.com.mk