Тренерот на Реал Мадрид, Карло Анчелоти ја отфрла можноста Чаби Алонсо да замине во Јувентус, а во обратна насока да пристигне Андреа Пирло...



И на двајцата фудбалери договорот им истекува по крајот на оваа сезона, Алонсо се поврзува со Јувентус, а некои шпекулации велат дека може да биде обновена соработката помеѓу Анчелоти и Пирло.

Но, тренерот на Реал Мадрид ја отфрла можноста за такво нешто, има одлично мислење за Пирло, но верува дека Алонсо ќе продолжи во Реал Мадрид.

„Чаби Алонсо е клучен фудбалер за Реал Мадрид, имаше повреда, но сега повторно е на теренот и е важен играч за нас" - вели Анчелоти.

„Нема многу фудбалери како него, можеби единствен друг таков е Пирло".

„Дали би го замениле Алонсо за Пирло? Не, немаме намера да го направиме тоа, нема основа за такви шпекулации".

„Сеуште сум во контакт со Андреа, имам добар однос со него. Бев задоволен што фановите на Реал Мадрид му посакаа добро добредојде кога се сретнавме".

Извор: 24FUDBAL.com.mk