МЕНИ

Напаѓачот на Арсенал, Никлас Бендтнер ’скромно’ изрази желба во иднина да го облече дресот на Барселона или пак Реал Мадрид...

Репрезентативецот на Данска, кој во минатото се опиша себе си како ’еден од најдобрите напаѓачи во светот’, би можел да замине од Емирати Стадионот во зимскиот преоден рок, откако не импресионираше со своите настапи како замена за Оливие Жиру.

Никлас Бендтнер игра во лоша форма, но тоа воопшто не влијае врз амбицијата на фудбалерот.

Во интервју за медиумите од Данска, тој открива дека има желба во иднина да игра за Барселона или Реал Мадрид.

Запрашан дали парите ќе бидат главниот мотив за неговиот следен трансфер, Никлас Бендтнер за Politiken рече: „Не, спортскиот аспект е најважен”.

„Сакам да отидам некаде каде што ќе можам да бидам среќен и да играм”.

„Со тим каде ќе можам да постигнувам погодоци, и по можност да освојам некој трофеј”.

„Не сакам да седам на клупата за резерви и само да зјапам”.

Запрашан како го гледа преостанатиот дел од својата кариера, Бендтнер одговори: „Ако можам јас да одлучам, Реал Мадрид или Барселлона”.