Тренерот на Интер, Валтер Мацари е отворен за соработка со Лео Меси, но признава дека еден ваков трансфер е невозможен...

Минатата недела беше комплетирана зделката во која бизнисменот од Индонезија, Ерик Тохир купи 70% од акциите на семејството Морати во Интер.

Новиот сопственик на ’Нероаѕурите’ веднаш се пошегува со новинарите дека ќе размисли добро за ангажман на ѕвездата на Барселона, Лео Меси.

„Дали ќе го ангажираме Меси? Ќе разговарам со лидерите на клубот на оваа тема...” – рече Ерик Тохир.

Тренерот на Интер, Валтер Мацари вели дека е отворен за соработка со најдобриот фудбалер на планетата, но признава дека еден ваков трансфер е невозможен.

„Лидерите на клубот се тие што одлучуваат за настапот на трансфер пазарот, но немам ништо против да го тренирам Лео Меси” – рече Мацари во емисијата Radio Anch’lo Sport на RadioUno.

„Сепак, мислам дека ова е невозможно во овој момент”.

„Кавани? Под мое водство порасна многу, стана шампион, но мислам дека Интер не е способен да направи ваков трансфер”.

„Ми се чини дека Тохир има јасни идеи, ќе видиме какви одлуки ќе донесе клубот во следните месеци”.

Извор: 24FUDBAL.com.mk