Лукас Леива е уверен дека Алберто Аквилани ќе биде еден од најдобрите во Ливерпул кога ќе се адаптира на играта на Црвените.
Аквилани сеуште не заиграл за Ливерпул онака како што се очекува, Италијанецот сеуште не е комплетно фит по повредите.
Очекувањата од Аквилани се големи, Бенитез за него плати 17 милиони евра и сите посакуваат да го видат во неговото вистинско светло.
Аквилани во среда за прв пат ќе настапи од самиот почеток на натпревар за Ливерпул, својот деби старт ќе го има против Фиорентина во натпревар од Лигата на Шампионите.
"Возбудливо е тоа што Аквилани ќе го има првиот старт во дресот на Ливерпул, ние сите гледаме позитивно кон тоа и ќе му ја дадеме целата неопходна поддршка и почит" - вели Леива.
"Се надеваме дека тој ќе врши добра работа за нас. Кога сте долго време надвор поради повреда, потребно ви е малку време да се вратите во ритам".
"Но, на тренинзите гледаме дека тој има квалитет и знае да игра со топка, се надеваме дека ќе ни помогне".
"Луѓето прават споредби, но тој е поинаков играч од Чаби, тој е поофанзивен и ние ќе го видиме тоа на теренот".
"Потребно му е малку време да се адаптира, и ние ќе направиме се за тоа да се случи побрзо" - заврши Леива.
Powered by: 24 FUDBAL.com.mk
