Англија | Ѕвездата на Арсенал во првиот дел од сезоната, Арон Ремзи верува дека тие можат и од Олд Трафорд да се вратат со победа...

Во недела се игра големиот дерби натпревар во Премиер лигата помеѓу Манчестер Јунајтед и Арсенал.
 
Тимот на Арсен Венгер игра во фантастична форма, Арсенал е лидер во Англија со пет бода предност пред Челзи и Ливерпул.
 
Откако го победија Ливерпул во минатото коло, славеа на гостувањето кај Дортмунд во Лигата на Шампионите, па Ремзи посакува серијата да продолжи и на Олд Трафорд.
 
„Јунајтед имаше тежок старт, но го надминаа тоа, имаат неколку добри резултати и ја враќаат самодовербата, но ние навистина веруваме во нашите квалитети" - изјави Ремзи.
 
„Нашиот гостински рекорд е навистина добар и се надевам дека ќе продолжиме така".
 
„По воведниот пораз од Астон Вила, играме фантастично добро и се надевам дека ќе успееме да бидеме на врвот до Божиќ, потоа знаеме како да ја финишираме сезоната".
 
„Нашиот најголем проблем во минатите сезони беше стартот, потоа влегувавме во добра серија, овој пат одлично започнавме".

Извор: 24FUDBAL.com.mk