Германија | Германски Bild пренесува дека Шалке сака да го ангажира Икер Касиљас во јануари на позајмица до крајот на сезоната...

Денешното издание на весникот вели дека лидерите на Шалке не се задоволни од перформансите на Тимо Хилдебранд, па се во потрага на нов голман.
 
Тимот од Гелзенкирхен разгледува неколку опции, а една од нив е Икер Касиљас.
 
Репрезентативецот на Шпанија го загуби првотимскиот статус во Реал Мадрид минатата сезона, а тоа не се промени ни по пристигнувањето на Карло Анчелоти.
 
Италијанецот има поголема доверба во Диего Лопез, и Икер Касиљас добива шанса само на натпреварите од Лигата на Шампионите.
 
Шалке сака да ја искористи ваквата ситуација и да го донесе Икер Касиљас во своите редови во зимскиот преоден рок.
 
Bild пренесува дека мали се шансите Реал Мадрид да прифати продажба на својата икона, па затоа Шалке ќе се обиде да го ангажира голманот на позајмица до крајот на сезоната.
 
Пред три години, клубот од Фелтинс Арена го ангажираше Раул, кога легендата на Реал Мадрид реши да замине од Сантијаго Бернабеу.

Извор: 24FUDBAL.com.mk