Лига на Шампиони | Арсен Венгер е задоволен од перформансите на неговите фудбалери и резултатот кој го остварија на гостувањето во Дортмунд...

По поразот на Емирати, Арсенал беше под притисок да победи на жешкото гостување во Дортмунд за да го неутрализира негативниот резултат остварен на свој терен.
 
Мисијата беше тешка, но фудбалерите на Венгер успешно ја завршија, со гол на Ремзи славеа со 1-0.
 
„Задоволен сум од фокусот на овој натпревар. Бевме под притисок од првата до последната минута, но не направивме ниту една грешка и се браневме добро" - изјави Венгер по натпреварот.
 
„Бевме компактни и работевме заедно иако имаше тежок период во првиот дел. Прикажавме многу зрели перформанси".
 
„Бев малку загрижен бидејќи имаше уште многу да се игра откако поведовме со 1-0, но игравме одлично во продолжението и лесно можевме и да го зголемиме водството. Имавме добри шанси".
 
„Нашата дефанзива беше под голем притисок но добро одговорија, одигравме добро тактички. Нема многу тимови кои доаѓаат тука и победуваат".

Извор: 24FUDBAL.com.mk