Лига на Шампиони | Тренерот на Борусија Дортмунд, Јирген Клоп е задоволен од перформансите на неговиот тим, но е разочаран од резултатот кој смета дека не е одраз на случувањата на теренот...
Со победата на Емирати, Борусија Дортмунд се најде во пол позиција за пласман во 1/8 финалето од Групата на Смртта, но со синоќешниот пораз на свој терен работите се вратија на почеток.
Борусија Дортмунд веројатно ќе треба да ги добие двата последни натпревари за да го продолжи патот во Лигата на Шампионите.
„По натпреварот им го кажав на моите фудбалери она кое сите го видоа: не го добивме она што го заслуживме со играта не теренот" - изјави Клоп по натпреварот.
„Не требаше да загубиме, но не ја изгубивме и нашата надеж, се е можно доколку ги добиеме нашите два последни натпревари. Ќе биде возбудливо до крајот".
„Направивме неколку грешки. Не постигнавме гол, а Арсенал дојде во водство од нивниот прв шут и работите се променија".
„Фудбалот е спорт кој се базира на резултати. Арсенал својата прва шанса ја имаше во 62. минута и погоди. Чувствуваме неправда поради тоа, но мораме да го прифатиме".
„Имавме одлични моменти на натпреварот но не успеавме да креираме добри шанси од нив. Арсенал добро се бранеше".
„Никој не треба да биде разочаран од перформансите на тимот. Добра вест е тоа што сеуште може да се квалификуваме во следната фаза со две победи на последните два натпревари. Знаеме дека нема да биде лесно, но веруваме во нашите шанси".
Извор: 24FUDBAL.com.mk
