Лига на Шампиони | Тренерот на Барселона, Тата Мартино е задоволен што неговиот тим обезбеди пласман во следната фаза од Лигата на Шампионите по победата над Милан...
’Каталонците’ вчреа славеа со 3-1 над Милан и го чекираа билетот за нок-аут рундата на две кола пред крајот на групната фаза.
„Среќни сме, остваривме важна цел” – рече тренерот на Барселона, Тата Мартино.
„Сакавме што поскоро да го чекираме билетот за нок-аут рундата, па сега ќе бидеме посмирени, повеќе нема да чувствуваме притисок”.
„Сега имаме обврска да завршиме на првото место во групата, тоа ќе биде особено добро за нашата самодоверба”.
За играта против Милан, тој рече: „Видовме две лица на Барселона, во првото полувреме имавме поголема контрола додека пак во вториот дел бевме подиректни”.
„Немам ништо против двете верзии. Завршивме добра работа во првиот дел, и во второто полувреме беше потребно да го искористиме слободниот простор”.
„Му дозволувавме на противникот да се врати во игра по нашето водство, и треба да се подобриме од тој аспект”.
„Потребно е да бидеме поодлучни во моментите кога треба да го вратиме поседот на топката. Секогаш постојат аспекти од играта кои можат да се подобрат”.
Тата Мартино потоа застана во одбрана на двојниот стрелец Лео Меси, кој беше критикуван по слабите игри на претходните натпревари.
„Негативните коментари за Лео Меси носат ризик. Тој одигра феноменално против Милан”.
„Никогаш не бев загрижен бидејќи тој и во минатото поминувал низ слични фази. Знаевме дека одново ќе почне да ги решава натпреварите во наша корист“.
„Одговори одлично на критиките.”
Извор: 24FUDBAL.com.mk
