Лига на Шампиони | Андерлехт направи големо изненадување откако остана непоразен на гостувањето кај ПСЖ, Олимпијакос дојде до среќна победа над Бенфика...

ПСЖ со победа на две кола пред крајот ќе обезбедеше пласман во 1/8 финалето од Лигата на Шампионите, важеше за огромен фаворит против Андерлехт но не успеа да дојде до трите бода, натпреварот заврши 1-1.

Белгијскиот тим дојде до изненадувачко водство во 68. минута со погодок на Де Зеув.

Само две минути подоцна Златан Ибрахимовиќ успеа да го изедначи резултатот на 1-1.

Во 82. минута гостите останаа со фудбалер помалку откако Клјестан заработи втор жолт картон, но ПСЖ не успеа да го искористи тоа.

Бенфика создаваше шанси во Атина, Олимпијакос се радуваше на победата.

Грчкиот тим поведе во 13. минута со гол на Манолас.

Бенфика играше подобро, создаде повеќе шанси за погодок, но не успеа да го изедначи резултатот.

По четири одиграни кола во групата Ц, ПСЖ е прв со десет бода, Олимпијакос има седум, трета е Бенфика со четири бода, Андерлехт има еден.

Извор: 24FUDBAL.com.mk