Лига на Шампиони | Тренерот на Јувентус, Антонио Конте е задоволен од перформансите на неговиот тим, жали што не победиле, но верува дека Старата Дама ќе обезбеди пласман во 1/8 финалето...
Јувентус и Реал Мадрид синоќа одиграа интересен натпревар кој заврши без победник 2-2.
По четири одиграни кола тимот на Конте нема победа во групната фаза од Лигата на Шампионите, но поразот на Галатасарај во Копенхаген ги прави шансите на Јувентус за пласман во следната фаза многу реални.
„Нашите перформанси ги оценувам на многу високо ниво. Тимот одигра многу добро и првиот дел беше перфектен во секој аспект, организација, квалитет и интензитет" - изјави Конте по натпреварот.
„Во второто полувреме паднавме малку во темпото, што е резултат и на густиот распоред. Кога интензитетот ќе ви падне против тим каков што е Реал Мадрид, многу реално е да бидете казнети, особено од фудбалери како Кристијано Роналдо и Герет Бејл".
„Според мене, Икер Касиљас беше играч на натпреварот, во неколку наврати го спаси Реал Мадрид".
„Апсолутно направивме чекор напред и сега целта е да го победиме Копенхаген. Според мене освоивме далеку помалку бодови во оваа група отколку што заслуживме".
„Ова реми можеше да биде победа, но Реал Мадрид има такви фудбалери кои во секој момент можат да го променат натпреварот".
„Треба да продолжиме да играме со ваква желба и интензитет против секој противник, доколку ја поминеме групата, може да оставме траг во Лигата на Шампионите".
Извор: 24FUDBAL.com.mk
