Лига на Шампиони | Дејвид Мојс вели дека Манчестер Јунајтед треба да одигра многу добро на гостувањето кај Реал Сосиедад за да дојде до трите бода со кои речиси ќе обезбеди пласман во следната фаза...

Манчестер Јунајтед е во добра позиција во Лигата на Шампионите и со победа вечерва во Шпанија може да дојде на чекор до пласман во следната фаза.
 
Дејвид Мојс верува дека неговиот тим игра се подобро и подобро, има почит за Реал Сосиедад, но верува во добра партија и победа.
 
„Имам голема почит за Реал Сосиедад и ќе треба да одиграме добро доколку сакаме да дојдеме до тие 10 бода кои ќе не однесат во следната фаза" - изјави Мојс.
 
„Но во моментов сме во добра позиција во групата и треба да го продолжиме тоа".
 
„Искусните фудбалери кои ги имаме како да се создадени за натпреварите од Лигата на Шампионите, и тоа ни помага".
 
„Мислам дека играме се подбро и подобро и полека резултатите почнуваат да доаѓаат, се надеваме дека тоа ќе продолжи".

Извор: 24FUDBAL.com.mk