Лига на Шампиони | Тренерот на Реал Сосиедад, Јагоба Арасате верува дека доколку неговиот тим одигра според планот, може да го победи Манчестер Јунајтед...

Реал Сосиедад го пречекува Манчестер Јунајтед, натпреварот на Олд Трафорд заврши со минимален триумф на Црвените Ѓаволи.
 
По првите три кола Реал Сосиедад нема освоено ниту еден бод во Лигата на Шампионите, но Арасате верува дека против Јунајтед можат да дојдат до сите три.
 
„Доколку одиграме како што треба и се држиме до нашиот план, можеме да победиме. Тоа е единствената работа која ми паѓа на ум" - вели Арасате.
 
„На Јунајтед не му треба уште многу за да се пласира во следната рунда, играат на гостински терен, па не знаеме каков ќе биде нивниот приод кон натпреварот".
 
„Ние треба да ја играме нашата стандардна игра, доколку добро си ја извршиме работата, мислам дека можеме да бидеме подобри од Јунајтед".
 
„Формата во Примера ни е во нагорна линија, освојуваме повеќе бодови, постигнуваме повеќе голови, па имаме поголема самодоверба".
 
„На Олд Трафорд одигравме одлично иако загубивме, но сметам дека можеме да бидеме уште подобри".

Извор: 24FUDBAL.com.mk