Англија | Асмир Беговиќ открива дека Роберто Манчини сакал да го донесе на Етихад Стадионот но трансферот пропаднал по заминувањето на Италијанецот од Манчестер Сити...

По слабите игри што ги прикажува Џо Харт, медиумите од ’Островото’ одново говорат за можноста Асмир Беговиќ да се пресели во Манчестер Сити.
 
Репрезентативецот на БиХ, кој важи за еден од подобрите голмани во Премиер лигата, открива дека минатата сезона бил блиску до преселба на Етихад Стадионот, но зделката не се реализира бидејќи Роберто Манчини заработил отказ.
 
„Ние играчите сме последни што дознаваме, веројатно нашите агенти и официјалните лица од клубовите се тие што први дознаваат, и потоа кога преговорите се во напредна фаза ни ги пренесуваат вестите” – рече Беговиќ за Dnevni Avaz.
 
„Што се однесува до Манчестер Сити, кога Роберто Манчини беше на кормилото, бевме многу блиску до договор“.
 
„Но трансферот не се реализираше поради неколку причини, најмногу поради тоа што Италијанецот замина”.
 
„Дали сеуште би можел да се преселам во Сити? Навистина не знам дали сеуште има преговори помеѓу двата клуба”.
 
„Но за мене веројатно најдобро е да ја завршам сезоната во Стоук, мислам дека тоа ќе ми овозможи на најдобар начин да се подготвам за Светското Првенство во Бразил”.

Извор: 24FUDBAL.com.mk