Англија | Арсенал го доби дербито со Ливерпул и ја зголеми предноста пред конкурентите, Челзи загуби кај Њукасл, Сити го прегази Норич, Манчестер Јунајтед славеше гостинска победа кај Фулам...

Арсенал дојде до многу значаен триумф од 2-0 против Ливерпул, со кој се зацврсти на врвот на табелата во Премиер лигата.

Резултатот го отвори Казорла во 19. минута кога најпрво ја погоди стативата, одбиената топка дојде до него, со вториот удар беше попрецизен за радост на Топџиите.

Победата ја завери Арон Ремзи во 59. минута со убав погодок од далечина.

Челзи влезе како фаворит на гостувањето кај Њукасл, но се врати со пораз, домаќините победија со 2-0.

Гуфран и Реми беа стрелци на головите за Њукасл.

Манчестер Сити го прегази тимот на Норич победувајќи го со убедливи 7-0.

Серијата беше отворена со автогол на Бредли Џонсон, потоа следуваа погодоци на Силва, Настасиќ, Негредо, Туре, Агуеро и Џеко.

Пелегрини на овој натпревар го седна Харт на клупата за резервни играчи поради слабите изданија оваа сезона.

Манчестер Јунајтед славеше гостинска победа од 3-1 кај Фулам.

Валенсија, Ван Перси и Вејн Руни беа стрелци на погодоците, Качаниклиќ постигна почесен гол за Фулам.

Многу интересен момент се случи на натпреварот помеѓу Стоук и Саутемптон, голманот на домаќините, Асмир Беговиќ постигна гол во првата минута и му донесе водство од 1-0 на неговиот тим.

Подоцна Родригез го изедначи резултатот на 1-1.

ВБА со 2-0 го победи Кристал Палас, Горан Попов остана на клупата за резервни фудбалери.

Хал со 1-0 го совлада Сандерленд, немаше погодоци на натпреварот помеѓу Вест Хем и Астон Вила.

Извор: 24FUDBAL.com.mk