Италија | Заврши победничката серија на Рома, по десет победи во низа Римската Волчица одигра нерешено на гостувањето кај Торино...

Рома одигра 1-1 на гостувањето кај Торино, со тоа заврши победничката серија на тимот на Руди Гарсија.

Лидерот на табелата поведе во 28. минута со гол на Стротман, но на почетокот од второто полувреме следуваше пад во играта на Рома, па Торино преку Черчи во 63. минута го изедначи резултатот.

По примениот погодок Рома повторно ја превзема иницијативата и напаѓаше за ново водство, но Торино успеа да ја сочува мрежата.

Сега предноста на Рома во однос на Наполи и Јувентус се намали на три бода.

Синоќа Интер имаше одлична гостинска партија во Удине, го совлада Удинезе со убедливи 3-0.

Паласио, Ранокиа и Алварез беа стрелци на погодоците за Нероазурите.

Џенова го изненади Лацио победувајќи го со 2-0 на Олимпико, Ливорно со 1-0 славеше над Аталанта.

Верона со 2-1 го победи Каљари, Агим Ибраими настапи од 57. минута на натпреварот.

Дури седум погодоци беа постигнати на натпреварот помеѓу Сампдорија и Сасуоло, гостите победија со 4-3.

Извор: 24FUDBAL.com.mk