Италија | Тренерот на Рома, Руди Гарсија е среќен поради рекордниот старт на неговиот тим, но вели дека нема време за прослава, мора веднаш да се размислува на следниот натпревар...

Рома синоќа ја забележа 10. победа во 10. коло од Серија А, Римската Волчица го победи Киево и постави неверојатен рекорд.
 
Победата беше остварена на Halloween, па Руди Гарсија беше запрашан дали тој е волшебникот на Олимпико.
 
„Мислам дека имаме 27 волшебници, од Морган Де Санктис до капитенот и сите помеѓу нив. Фудбалерите даваат се од себе и вечерва повторно видовме дека овој тим никогаш не се предава" - вели Де Санктис.
 
„Тука ќе имаме заедничка вечера и потоа ќе почнеме да се подготвуваме за следниот натпревар најдобро што можеме".
 
„Ова е фантастична серија за нас, но немаме време да уживаме премногу. Имаме еден ден помалку од Торино да се подготвиме за неделниот натпревар, па секоја минута е важна за опоравување и подготовка".
 
„Радоста која ја поделивме со нашите фанови, тоа беше најважната работа".

Извор: 24FUDBAL.com.mk