Италија | Тренерот на Интер, Валтер Мацари верува дека неговиот тим синоќа загубил два бода од гостувањето кај Аталанта поради слабата ефикасност...

Интер не успеа да дојде до целиот плен од гостувањето кај Аталанта, Нероазурите водеа, но натпреварот заврши 1-1.

Тимот на Мацари имаше доволно шанси за победа, особено во вториот дел кога ја погодија и конструкцијата од голот на домаќините.

„Според мене заслуживме да победиме" - изјави Мацари за Sky Sport Italia.

„Доколку ги погледнете шансите, креиравме повеќе од Аталанта, особено во второто полувреме. Треба да бидеме попрецизни и поостри во нападот".

„Треба да бидеме подобри и да постигнуваме повеќе погодоци. Треба да подобриме повеќе аспекти од играта доколку сакаме да се бориме за првите позиции".

Хандановиќ поради повреда го напушти натпреварот на полувремето, но Мацари вели дека не е сериозно.

„Хандановиќ доби само силен удар, па не е ништо сериозно, но ми рече дека не можел да продолжи".

Извор: 24FUDBAL.com.mk