Лига на Шампиони | Тренерот на Реал Мадрид, Карло Анчелоти е задоволен од победата над Јувентус но не и од играта на неговиот тим во второто полувреме...

Реал Мадрид синоќа славеше над Јувентус со 2-1, три бода за Кралевите со кои се на чекор до пласман во следната фаза.
 
„Победивме против многу добар тим, натпреварот не беше лесен" - изјави Анчелоти.
 
„Игравме со вистинскиот баланс, но не бев задоволен од нашето издание во второто полувреме, немавме доволно интензитет во играта, веројатно уморот го стори своето".
 
„Натпреварот комплетно се пормени по црвениот картон на Киелини, Јувентус се повлече, а ние немавме потреба да постигнеме гол, нашата цел беше да ја контролираме играта и да ги освоиме трите бода".
 
Бензема игра во очајна голгетерска форма, Французинот синоќа промаши празен гол од неколку метри и доби свирежи од фановите на Реал Мадрид.
 
„Од Бензема побарав да работи дефанзивно, требаше да го неутрализира Пирло, и иако не постигна гол, задоволен сум од неговите перформанси".

Извор: 24FUDBAL.com.mk