Англија | Фабрегас во 2003 година пристигна во Арсенал, помина осум години во тимот од Северен Лондон, по што во 2011 година се врати во Барселона...

Во интервју за Guardian, 26-годишниот фудбалер зборува за љубовта кон Арсенал и вели дека би сакал да се врати на Емирати.
 
„Арсенал е во моето срце и секогаш ќе биде таму. Не знам дали ќе имам можност еден ден да се вратам и да играм повторно за клубот, или можеби по завршувањето на кариерата" - вели Фабрегас.
 
„Тоа е клуб кој мислам секогаш ќе биде отворен за мене. Клубот е како фамилија, сигурен сум дека ќе ми дадат шанса да играм повторно или да имам некоја улога во клубот".
 
„Сол Кембел сега е таму. Бeркамп доаѓаше два-три пати неделно таму додека ги собираше тренерските лиценци".
 
„Тоа е еден прекрасен клуб и се надевам дека ќе имам шанса да направам нешто со нив".
 
„Се надевам дека ќе ја освојат Премиер лигата. Стартуваа одлично. Изгледаат многу силно, да видиме како ќе завршат".
 
„Во Премиер лигата може да ви оди многу добро, потоа да загубите два натпревари и брзо да паднете".
 
„Многу работи се решаваат околу Божиќ, тимот кој најдобро ќе се снајде тој период, може да ја освои титулата".

Извор: 24FUDBAL.com.mk