Лига на Шампиони | Баерн Минхен славеше лесна и убедлива победа против Викторија Плзен, Манчестер Сити дојде до значаен триумф на гостувањето кај ЦСКА Москва...

Баерн Минхен со високи 5-0 ја победи Викторија Плзен уште еднаш презентирајќи моќ на теренот.
 
Рибери погоди два пати, Алаба и Швајнштајгер реализираа по еднаш, а серијата погодоци ја затвори Геце во судиското продолжение од натпреварот.
 
Манчестер Сити дојде до значаен триумф на гостувањето кај ЦСКА во Москва, Граѓаните славеа со 2-1.
 
Рускиот тим поведе со голот на Тошиќ во 32. минута, но радоста на ЦСКА траеше многу кратко.
 
Само две минути подоцна Агуеро го изедначи резултатот, а во 42. минута Аргентинецот погоди уште еднаш, овој пат за комплетен пресврт и победа на Сити.
 
По три одиграни кола во Групата Д, Баерн Минхен е лидер со девет бода, по него е Сити со шест, ЦСКА Москва има три бода, последна е екипата на Плзен без бодови.

Извор: 24FUDBAL.com.mk