Лига на Шампиони | Арсен Венгер очекува отворен и возбудлив натпревар против Борусија Дортмунд, свесен е за квалитетот на Германците, но верува во своите фудбалери...

Утре на Емирати, Арсенал го пречекува финалистот од минатата сезона, тимот на Борусија Дортмунд.

Арсен Венгер ја потенцира добрата форма на својот тим, но свесен е и за квалитетите на Германците.

„Пред две години тие немаа големо искуство во Лигата на Шампионите, лани стигнаа до финалето, па ќе имаат поголема самодоверба" - изјави Венгер.

„Структурата на тимот и квалитетот  им е слична".

„Верувам дека сега сме подобар тим и нашите млади фудбалери се поискусни и позрели. Константноста на нашите резултати од мај до сега го покажува нашиот квалитет".

„Добрата атмосфера, солидарноста и желбата за успех е квалитетот на овој тим. Гладни сме за добар резултат".

„Германските тимови не се бранат, не се браниме и ние, па треба да очекуваме возбудлив натпревар".

„Ефикасноста е нивниот квалитет, нивната способност да ги искористат шансите кои ќе ги создадат".

„Треба да влеземе во натпреварот и да одиграме најдобро што можеме, а кога сме на нашето најдобро ниво можеме да му се спротиставиме на секој противник".

Извор: 24FUDBAL.com.mk