Лига на Шампиони | Тренерот на Наполи, Рафа Бенитез е уверен во квалитетите на својот тим во пресрет на дуелот против Марсеј, Шпанецот се надева дека Игуаин ќе биде во стартниот состав...
Вечерва Наполи му гостува на Марсеј во многу значаен натпревар од групата на смртта, тимот на Рафа Бенитез отпатува по три важни бода кои треба да се освојат за да се заврши пред Арсенал или Борусија Дортмунд.
Рафа Бенитез верува во својот тим и се надева дека ќе може да смета на Игуаин од првата минута, кој полека се враќа по повредата.
„Ова е значаен тест за нас. Атмосферата во Марсеј ќе биде добра" - изјави Бенитез на вчерашната прес конференција.
„Игуаин тренираше и работеше добро. Ќе зборувам со него и докторите, ќе преспијам, па ќе одлучам".
„Марсеј е силен тим со неколку опасни фудбалери па треба да одиграме на нашето најдобро ниво".
„Се вели дека ова е Група на Смртта. Тешка група е, Арсенал и Борусија Дортмунд се силни тимови. Мислам дека следните два натпревари ќе бидат одлучувачки".
„Два пати со Ливерпул победив во Марсеј, се сеќавам Торес постигна спектакуларен гол. Овој стадион го вади најдоброто од вашите фудбалери".
„Имаме силен тим со голем карактер. Уверен сум дека ќе го покажеме тоа на теренот".
„И двете екипи ќе сакаат да победат. Марсеј има серија од три порази, па ќе биде многу тешко за нас. Ќе сакаат да покажат дека можат да го добијат натпреварот, но ние ќе ја покажеме нашата сила за да дојдеме до целта".
Извор: 24FUDBAL.com.mk
