Лига на Шампиони | Тренерот на Борусија Дортмунд, Јирген Клоп вели дека Арсенал е фаворит на утрешниот дуел и верува дека мали детали ќе го решат победникот...

’Топџиите’ се во одлична форма, па Јирген Клоп е свесен дека гостувањето на Емирати воопшто нема да биде лесно.
 
Стратегот на ’Милионерите’ вели дека тие мораат да одиграат најдобро што умеат со цел да обезбедат поволен резултат, и верува дека детали ќе го решат победникот.
 
„Тие имаат повеќе бодови од нас, се на првото место во едно од најсилните првенства во светот и играат дома, па би рекол дека Арсенал е фаворит” – рече Клоп на прес-конференцијата.
 
„Ќе треба да прикажеме една од најдобрите партии бидејќи не постои друг начин за да обезбедиме повoлен резултат на Емирати”.
 
„Верувам дека пред нас ќе бидат два прилично изедначени натпревари и мали детали ќе го решат резултатот. Па треба да бидеме подготвени за овие детали и да видиме што ќе се случи”.
 
„Доколку требаше да купам билет за да гледам натпревар, сигурно ќе го одберев овој дуел”.
 
„Арсенал го задржа стилот и покрај критиките. Верувам дека нивниот стил секогаш бил модерен и сега функционира добро”.
 
„Импресиониран сум од развојот на Арсенал и очекувам двата тима да прикажат добар фудбал”.

Извор: 24FUDBAL.com.mk