Шпанија | Потпретседателот на Барселона, Хосеп Мариа Бартомеу вели дека Андрес Иниеста ќе стави потпис на нов петгодишен договор...

Шпанскиот репрезентативец е во преговори со Барса за продолжување на верноста, а целата ситуација внимателно ја следат гигантите ширум Европа.
 
Се шпекулира дека Манчестер Јунајтед и Манчестер Сити се подготвени да достават понуди за офанзивниот фудбалер од средниот ред, но Андрес Иниеста во неколку наврати истакна дека планира да остане на Камп Ноу.
 
Од таборот на Барселона исто така најавија дека ќе сторат се за да го задржат играчот, и се чини дека двете страни конечно ги испеглале разликите.
 
Во разговор со Barcelona TV, потпретседателот на ’Каталонците’, Хосеп Мариа Бартомеу вели дека Андрес Иниеста ќе стави потпис на нов петгодишен дговор.
 
„Новиот договор на Иниеста е факт” – рече Бартомеу.
 
„Преговорите се во тек и двете страни имаат волја да постигнат согласнот”.
 
„Договорот ќе биде во трајност од пет години, максимумот што го дозволува законот”.
 
„И ова нема да биде последниот договор на Иниеста со Барса”.
 
„Тој ќе стане еден од најплатените играчи, бидејќи е најдобар фудбалер во Европа”.

Извор: 24FUDBAL.com.mk