Англија | Арсен Венгер смета дека Манчестер Јунајтед сеуште е кандидат за трофејот во Премиер лигата иако Црвените Ѓаволи веќе имаат значителна негатива во однос на првото место...

Арсенал има одличен старт на сезоната и во моментов е лидер со два бода предност пред Челзи и Ливерпул, за разлика од Топџиите, Манчестер Јунајтед има неочекувано лош почеток и заостанува цели осум бода зад лидерот.

Но и покрај големата негатива и исклучително сериозната конкуренција, Арсен Венгер смета дека Јунајтед не е надвор од трката за титулата во Премиер лигата.

„Прерано е. Осум бода се негатива, но Јунајтед не е надвор од трката за титулата. И ние имаме само два бода предност пред останатите" - вели Венгер.

„Доколку имате избор, никој не би сакал да заостанува осум бода. Доколку имате избор, сакате да бидете на чело на табелата".

„Но не можете уште сега да го исклучите Манчестер Јунајтед од трката. Имаат големи фудбалери, со големи искуство, тие се голем клуб. Разликата е само три натпревари, можат брзо да се вратат, така е во оваа лига".

Извор: 24FUDBAL.com.mk