Италија | Тренерот на Фиорентина, Винченцо Монтела вели дека победата над Јувентус е една од најубавите во неговата кариера...

Фиорентина со неверојатен пресврт го совлада Јуве со 4-2, Виолетовите имаа два гола негатива, но по еден 15 минутен блесок дојдоа до три бода против шампионот.
 
„Ова сигурно е една од моите најслатки победи. Во првото полувреме играта беше изедначена, но Јувентус ги искористи нашите грешки, особено при вториот гол" - изјави Монтела.
 
„На почетокот од вториот дел Јувентус не ни дозволуваше да играме во средината, успеваше да ја оневозможи нашата игра. Изгледаше дека нема шанси да постигнеме гол, но фудбалот е неверојатен и пеналот комплетно го промени натпреварот".
 
„Успеавме да победиме и покрај тоа што губевме со 2-0, и покрај тоа што го загубивме Масимо Амбросини, и покрај тоа што Роси имаше проблеми со грбот".
 
„Тешко е да му се дадат четири гола на Јувентус, особено откако Антонио Конте е на клупата, она што се случи за тие 15 минути е неверојатно, чудо".
 
„Сакам да им се заблагодарам на фановите кои беа фантастични и на периоди веруваа повеќе во овој резултат отколку ние"..

Извор: 24FUDBAL.com.mk