Италија | Горан Пандев има голема желба да му даде гол на неговиот поранешен соиграч, Морган Де Санктис кој сега го брани голот на Рома...

Утре се игра дерби натпреварот помеѓу лидерот Рома и Наполи кој атакува на Скудетото оваа сезона.
 
По барање на Рафа Бенитез, Горан Пандев порано ја напушти македонската репрезентација со цел да биде подготвен за овој дуел.
 
„Играњето против Рома е како дерби за мене, бев во Лацио пет ипол години" - изјави Пандев за Il Messaggero.
 
„Сонувам да му дадам гол на мојот поранешен соиграч Морган Де Санктис, но перформансите на целиот тим се најважни".
 
„Не очекував дека Рома ќе биде на врвот на табелата со 100% учинок по седум одиграни кола, но тие имаат состав кој може да се бори до крајот, исто како Наполи".
 
„Очекувам еден отворен и спектакуларен дуел".
 
„Освојување на Скудетото со Наполи ќе биде еден магичен момент кој ќе биде запишан во историјата на клубот. Освојување на титула во Рим или Неапол е поинаку отколку во Торино или Милано".

Извор: 24FUDBAL.com.mk