Македонија | Македонската фудбалска репрезентација има пад од 11 позиции на најновата ФИФА ранг листа, по очајниот крај на квалификациите за СП во Бразил...
По последните порази во квалификациите од Велс и Србија, македонската репрезентација бележи пад од 11 позиции, и во најновото рангирање на ФИФА се најде на 86. место.
Таму сме каде што и заслужуваме да бидеме, пред нас се селекциите на Замбија, Гвинеја, Јордан, Сиера Леоне, Доминиканска Република, Хаити, но подобри сме од Конго, Ел Салвадор, Бенин, Боцвана.
Селекцијата на Босна и Херцеговина дојде до 16. позиција на табелата, Хрватска е две места подоле, а Србија со скок од цели 15. места се наоѓа на 28. позиција, Црна Гора е 54., а Албанија 58.
Во топ 10, Шпанија останува лидер, по неа следуваат Германија, Аргентина, Колумбија, Белгија, Уругвај, Швајцарија, Холандија, Италија и Англија.
Извор: 24FUDBAL.com.mk
