СП 2014 | По објавувањето на најновата ранг листа, ФИФА ги одреди носителите за Светското првенство во Бразил, меѓу нив овој пат ги нема селекциите на Холандија, Италија и Англија...

Носителите се одредуваат според пласманот на последната ранг листа на ФИФА, па во првиот шешир ќе бидат селекции како Колубија, Белгија и Швајцарија, но ќе нема место за Италија, Холандија и Англија.
 
Во првиот шешир се Шпанија, Бразил, Германија, Аргентина, Уругвај (доколку го помине баражот против Јордан), Белгија, Швајцарија и Колумбија.
 
Доколку Јордан успее да искочи како победник во дуелот со Уругвај, нешто што би претставувало голема сензација, Холандија ќе се најде меѓу носителите како најдобро рангирана од селекциите од вториот шешир во кој се и репрезентациите на Италија и Англија.
 
Ваквата поделба на носителите најавува силни групи на Светското првенство.

Извор: 24FUDBAL.com.mk