Франција | Радамел Фалкао не сака да говори за можноста да го облече дресот на ’Кралевите’ и вели дека во овој момент е среќен во Монако...

Подолго време се шпекулира дека репрезентативецот на Колумбија само една година ќе помине на Луј Втори Стадионот, и потоа ќе направи трансфер на Сантијаго Бернабеу.
 
Претседателот на Реал Мадрид, Флорентино Перез вчера сугерираше дека тие ќе се обидат да го ангажираат Радамел Фалкао по крајот на сезоната.
 
„Тој нема да пристигне во јануари, но во јуни, кој знае? Се може да се случи” – рече вчера Перез. „Фалкао е одличен фудбалер и слушнав дека сака да игра за Реал Мадрид”.
 
Зборувајќи на прес конференција во Богота, Радамел Фалкао истакна дека ова не е прав момент да се говори за можна преселба на Сантијаго Бернабеу.
 
„Можам само да му се заблагодарам на Флорентино Перез за неговите зборови” – рече напаѓачот.
 
„Но морам да го почитувам мојот сегашен клуб, Монако, каде се чувствувам одлично”.
 
„Многу сум среќен во Монако, и мислам дека не е пристојно во овој момент да зборувам за интересот на Реал Мадрид од почит кон клубот за кого играм”.

Извор: 24FUDBAL.com.mk