Англија | Томас Вермален вели дека можеби треба да го промени клубот доколку од минутажата во Арсенал му зависи настапот на Светското првенство во Бразил...

Вермален е во сенка на Кошчиелни и Мертесакер кои играат во одлична форма, репрезентативецот на Белгија одигра само 10 минути во Премиер лигата оваа сезона.

Поради проблеми со грбот тој подоцна ја стартуваше сезоната, но останува трета опција за централните дефанзивни позиции во Арсенал.

Конкуренцијата во Белгија е сериозна, за место во стартниот тим покрај Вермален конкурираат и Компани, Вертонген и Ван Бујтен, па Вермален е свесен дека треба да игра.

„Треба да размислам и за заминување доколку тоа е неопходно. Има уште неколку месеци до јануари" - вели Вермален за Daily Mail.

„Се разбира, проблем е доколку не играм пред Светското првенство".

„Луѓето ме прашуваат дали паничам бидејќи не играм, но не паничам".

„Зборував со Арсен Венгер, но тоа ќе остане помеѓу нас. Работите можат брзо да се променат и да се промени мојата ситуација".

„Во секој случај, ќе зборуваме во јануари. Треба да бидам подготвен за тоа".

Извор: 24FUDBAL.com.mk