Германија | Роберт Левандовски вели дека не дал збор за преселба на Алианц Арена, и открива дека во иднина сака да се испроба во Премиер лигата...

Репрезентативецот на Полска е под договор со Борусија Дортмунд до 2014, и не сака да ја продолжи верноста кон тимот од Сигнал Идуна Парк.
 
И покрај тоа што по крајот на сезоната ќе го загубат како слободен агент, ’Милионерите’ одбија да го продадат Роберт Левандовски изминатиот летен преоден рок.
 
Со своите добри игри напаѓачот го привлече вниманието на голем број клубови, но се верува дека Баерн Минхен ќе биде неговата следна дестинација.
 
Често се говори дека играчот веќе се има договорено со ’Баварците’, но во разговор со The Telegraph, Левандовски вели дека не дал збор за преселба на Алианц Арена.
 
„Во јануари ќе можам да потпишам пред-договор со било кој клуб, но никогаш не реков дека ќе потпишам за Баерн” – рече Полјакот.
 
„Тоа беше недоразбирање”.
 
Во минатото се шпекулираше дека името на напаѓачот е на листата со желби на Манчестер Сити и Манчестер Јунајтед.
 
„Вистина е дека имав прилика да разговарам со Сер Алекс Фергусон, но не зборувавме за трансфер”.
 
„Еден ден би сакал да играм во Премиер лигата. Тоа би било одлично искуство”.

Извор: 24FUDBAL.com.mk