Македонија | Македонската фудбалска репрезентација со 1-0 загуби на гостувањето кај Велс и падна на последната позиција на табелата...

Нов пораз за македонската репрезентација, избраниците на Зоран Стратев загубија во Кардиф од Велс, создадовме доволно шанси за погодок, но не успеавме да ја затресеме мрежата на противникот.

Во првиот дел рамноправна игра, со по некоја шанса на двете страни.

Најдобрата за Македонија во првото полувреме ја промаши Николче Новески кој се најде во одлична позиција пред голот на Велс но биеше многу непрецизно.

Клучниот момент се случи во 67. минута кога Ремзи прекрасно го проигра Белами, тој додаде до Чирч кој реализираше за водство кое значеше и победа за Велс од 1-0.

По примениот погодок ја засиливме иницијативата и имавме две одлични шанси за изедначување, но Горан Пандев не беше на висина на задачата, се најде во убави позиции, биеше млако.
 
Велс имаше можност и за повисок триумф, Новески го фаулираше Ремзи во нашиот шеснаесетник, судијата покажа на белата точка, фудбалерот на Арсенал ја изведе најстрогата казна, но Томе Пачовски го одбрани неговиот удар.

Со овој пораз македонската фудбалска репрезентација падна на последното место на табелата, шанса да го избегнеме фенерот ќе имаме во вторник кога и гостуваме на селекцијата на Србија во последното коло од квалификациите за Светското првенство во Бразил.

Извор: 24FUDBAL.com.mk