Англија | Денис Бергкамп открива дека посакува во иднина да се врати во Арсенал и да биде дел од тренерскиот персонал на ’Топџиите’...

Легендата на Холандија го носеше дресот на ’Топџиите’ 11 години и со тимот од северен Лондон тој освои голем број на трофеи, вклучувајќи три титули од Премиер лигата.
 
Денис Бергкамп, кој во моментов е асистент во Ајакс, во разговор со Telegraph открива дека посакува во иднина да се врати во Арсенал и да биде дел од тренерскиот персонал.
 
„Чувствата што Јохан Кројф ги имаше за Барселона, јас ги имам за Арсенал” – рече Бергкамп.
 
„Авантурата во Арсенал беше одлична, уживав во секој поминат миг. Никогаш немав лош ден”.
 
„Враќање во Арсенал е секогаш во моите мисли, тоа е дел од моите амбиции”.
 
„Но не знам кога ќе се случи тоа. Знам дека ќе бидам дел од Ајакс барем уште три или пет години, и не знам што ќе се случи потоа”.
 
„Не можам да се видам себеси во Ајакс до крајот на кариерата како тренер. Исто така не можам да се видам како менаџер“.
 
„Се гледам како дел од тренерскиот персонал. Навистина уживам во оваа улога, особено во индивидуалните тренинзи со напаѓачите”.
 
„Сум зборувал или пак сум слушнал (поранешниот соиграчи од Арсенал) дека сакаат да се вратат. Стив Болд во моментов е таму и тоа е одлично. Зборував со Патрик Виеира и Тјери Анри би сакал да се врати во Арсенал еден ден”.
 
„Тони Адамс исто така е голема опција”.

Извор: 24FUDBAL.com.mk