Шпанија | Претседателот на ’Каталонците’, Сандро Росел е убеден дека Андрес Иниеста ќе стави потпис на нов договор и ќе ја заврши кариерата на Камп Ноу...
Андрес Иниеста е под договор со Барса до 2015 и клубот се обидува да ја продолжи верноста на играчот.
Минатиот месец медиумите од Шпанија пренесоа дека играчот ја одбил понудата на ’Каталонците’ за нов договор и плата од 12 милиони евра по сезона, а ваквиот развој на настаните ги алармираше гигантите ширум Европа.
Се говореше дека Манчестер Јунајтед и Манчестер Сити се подготвени да достават понуди за офанзивниот фудбалер од средниот ред.
Сепак, самиот Андрес Иниеста истакна дека планира да ја заврши кариерата на Камп Ноу, и најави дека во скоро време ќе ги испегла разликите со Барса.
Исто мислење има и претседателот Сандро Росел, кој е убеден дека репрезентативецот на Шпанија ќе се пензионира на Камп Ноу.
Зборувајќи во емисијата El Larguero на Cadena SER тој рече: „Иниеста ќе стави крај на кариерата во Барса”.
„Никош не сум се обложувал, но доколку морам да го сторам тоа, би се обложил дека Иниеста ќе се пензионира на Камп Ноу ”.
„Веруваме дека тој треба да биде вториот најплатен фудбалер во Барса зад Лео Меси”.
Извор: 24FUDBAL.com.mk
