Германија | Генералниот директор на Шалке, Хорст Хелдт инсистира дека Јулиан Дракслер нема да го напушти клубот во зимскиот преоден рок...

Изминатово лето пристигнаа неколку понуди на адреса на талентираниот германски репрезентативец, но Јулиан Дракслер реши да остане во Шалке и стави потпис на нов договор.
 
Плејмејкерот има одличен старт во новата сезона, па одново се говори за неговата иднина.
 
Медиумите шпекулираат дека Арсенал ќе достави понуда во јануари, а интерес за неговите услуги пројавуваат и Манчестер Сити и Челзи.
 
Сепак, од таборот на Шалке порачуваат дека германскиот репрезентативец останува на Велтинс Арена до крајот на сезоната.
 
„Јулиан Дракслер ќе биде со нас до крајот на сезоната, тоа е сигурно” – рече генералниот директор Хорст Хелдт за Kicker Sportmagazin.
 
„Ништо нема да се случи во зимскиот преоден рок бидејќи тој е верен на нашиот клуб”.
 
На оваа тема, самиот играч рече: „Фокусиран само на тоа да одиграм добро за Шалке. За се останато треба да се грижи генералниот директор!”
 
Во договорот на Јулиан Дракслер има откупна клаузула вредна околу 45 милиони евра.

Извор: 24FUDBAL.com.mk