СП 2014 | Капитенот на Рома, Франческо Тоти ја остава отворена вратата за настап на Светското Првенство во Бразил следната година...

37 годишниот напаѓач игра во импресивна форма на стартот од сезоната и ја предводеше ’Римската Волчица’ до 100% учинок и седум победи од седум натпревари.
 
Селекторот на Италија, Чезаре Прандели вчера истакна дека во ваква форма Франческо Тоти сигурно би бил дел од ’Аѕурите’ и навести дека играчот би можел да патува за Бразил на СП 2014.
 
Капитенот на Рома, кој се повлече од репрезентацијата по тримфот на СП 2006, вели дека во моментов не мисли на ’Аѕурите’ но признава дека е отворен за идејата одново да го облече дресот на Италија’.
 
Во разговор со Gazzetta dello Sport тој рече: „Во овој момент мислам само на Рома”.
 
„На пролет ќе видам каква е мојата физичка подготвеност и ќе донесам одлука”.
 
„Но никогаш не се вели никогаш”.
 
Селекторот на Италија, Чезаре Прандели вчера рече: „Тоти е во фантастична форма”.
 
„Доколку Светското Првенство се играше во скоро време, без сомнеж тој ќе добиеше повик”.
 
„Но ќе треба да ја провериме неговата состојбата на еден месец пред почетокот на СП”.
 
„Не сум разговарал со Тоти, нема потреба за тоа бидејќи до турнирот во Бразил има уште осум месеци”.

Извор: 24FUDBAL.com.mk