МЕНИ

Македонија Ѓорче Петров и Слога Југомагнат преку заедничко соопштение информираат дека ја чекаат официјалната одлука на ФФМ за исклучување од Првата македонска лига, а потоа ќе реагираат...

Откако не одиграа по два официјални натпревари, Македонија Ѓорче Петров и Слога Југомагнат се исклучени од Македонската прва лига.

Сепак таквата одлука на ФФМ сеуште официјално не им е соопштена на двата клуба кои бојкотираа.

Македонија Ѓ.П. и Слога Југомагнат ќе почекаат официјално да бидат информирани од ФФМ, а потоа ќе го соопштат нивниот став.

"Фудбалскиот клуб Македонија Ѓорче Петров и фудбалскиот клуб Слога Југомагнат, ја информираат целокупната фудбалска и спортска јавност дека ставот по однос на Одлуката за дисквалификување од понатамошното натпреварување во Првата македонска лига на овие два фудбалски клуба, ќе го искажат по добивање на формалната одлука од страна на Фудбалската Федерација на Македонија".

"Со оглед да ваква одлука немаме примено, а истата ја имаме разбрано од средствата за информирање, нашето произнесување и став ќе биде искажан по добивањето на ваквата Одлука".

"Се до тој момент, Фудбалскиот клуб Македонија Ѓорче Петров и фудбалскиот клуб Слога Југомагнат ја информираат јавноста дека нема да даваат никакви информации за и околу оваа Одлука и нема да се впуштаат во коментари на истата" - гласи заедничкото соопштение на двата клуба.