Претседателот на Џенова, Енрико Прециози им порача на Интер и Јувентус дека ќе треба да потрошат мало богатство за ангажман на дефанзивецот Раночиа...

21 годишниот дефанзивец го привлече вниманието на многу екипи од Италија по одличните перформанси оваа сезона во дресот на Бари.

Раночиа важи за еден од поголемите таленти и екипите на Интер и Јувентус веќе се распрашуваат за можноста да го ангажираат италијанскиот репрезентативец до 21 година.

Но претседателот на Џенова (Раночиа настапува во Бари како позајмен фудбалер од Џенова) Енрико Прециози испрати предупредување до сите заинтересирани екипи дека ќе треба да потрошат мало богатство доколку се обидат да го ангажираат дефанзивецот.

“Раночиа е одличен фудбалер има блескава иднина и може да настапува за голем клуб.” – рече Прециози.

“Во Италија, Интер и Јувентус се клубовите кои го посакуваат, а неодамна и еден клуб од странство стапи во контакт (се верува дека се работи за Арсенал).”

“Но сеуште е рано да се говори за трансфер пазарот и да се дискутираат различни детали.”

“Но можам да кажам дека Раночиа вреди околу 15 милиони евра.”

Powered by: 24 FUDBAL.com.mk