Англија | Менаџерот на Арсенал, Арсен Венгер го критикуваше Џек Вилшер откако репрезентативецот на Англија беше ’уловен’ со цигара...

По триумфот над Наполи во Лигата на Шампионите, Џек Вилшер и останатите играчи добиле дозвола од Арсенал да излезат и да ја прослават победата.
 
21 годишниот фудбалер од средниот ред беше фотографиран со цигара во устата пред еден ноќен клуб во Лондон.
 
На денешната прес конференција, Арсен Венгер беше запрашан за ваквата лоша навика на Џек Вилшер, а менаџерот на ’Топџиите’ изрази незадоволство од однесувањето на ѕвездата на Арсенал.
 
„Воопшто не се согласувам со неговото однесување” – рече Французинот. „
 
Покрај тоа што си нанесувате штета на здравјето, исто така си нанесувате штета на вашата репутација“.
 
„За многу луѓе фудбалерите се пример”.
 
Запрашан дали ќе го казни играчот, Венгер одговори: „Не знам што ќе се случи, во овој момент не можам да говорам за казни”.
 
„Ќе разговарам со него, но тој разговор ќе остане приватен”.

Извор: 24FUDBAL.com.mk