Лига на Шампиони | Јувентус и Галатасарај одиграа натпревар со интересен финиш кој заврши без победник 2-2, Реал Мадрид со убедливи 4-0 го совлада ФК Копенхаген...

Јувентус влезе како голем фаворит во дуелот против Галатасарај кој доживеа дебакл во првото коло против Реал Мадрид.

Но, Роберто Манчини имаше одлично деби на клупата на турскиот тим и малку фалаше со целиот плен Галатасарај да се врати во Истанбул.

Галата поведе во 36. минута кога Дидие Дрогба искористи еден голем кикс на домашната одбрана.

Јувентус долго време се мачеше да го изедначи резултатот, тоа конечно се случи во 78. минута кога Видал погоди од пенал.

Кваљарела беше фаулиран во шеснаесетникот на Галата, судијата покажа на белата точка.

Во 87. минута Кваљареала реализира со глава за комплетен пресврт и водство на Јуве од 2-1, во тие моменти се мислеше дека Старата Дама сепак ќе ги освои трите бода.

Но веќе во следниот напад резултатот беше изедначен, Дрогба со глава го проигра Булут кој постигна гол за конечни 2-2.

Реал Мадрид дојде до нова убедлива победа, овој пат Кралевите со 4-0 славеа над ФК Копенхаген.

По два гола постигнаа Кристијано Роналдо и Анхел Ди Марија.

Икер Касиљас беше првиот голман на овој натпревар, прв целосен натпревар за него оваа сезона.

Извор: 24FUDBAL.com.mk