Лига на Шампиони | Манчестер Јунајтед одигра нерешено на гостувањето кај Шахтјор, Баер Леверкузен со гол во финишот дојде до три бода против Реал Сосиедад...

Манчестер Јунајтед со бод се враќа од тешкото гостување кај Шахтјор кој тешко дава бодови на домашен терен.

Англискиот шампион имаше водство по првото полувреме, Велбек погоди во 18. минута за предност од 1-0.

Во 76. грешка на Немања Видиќ, Таисон налета до топката и ја смести во мрежата на Де Геа.

Домаќините имаа шанса и за комплетен пресврт, но голманот на Јунајтед не дозволи да прими уште еден погодок.

Баер Леверкузен со два гола во судиските продолженија од полувремињата дојде до победа од 2-1 против Реал Сосиедад.

Најпрво во судиското продолжение од првиот дел Ролфс постигна погодок за предност од 1-0 на домаќините.

По седум минути игра во вториот дел беше досуден пенал за Сосиедад, Карлос Вела биеше, голманот Лено го одбрани неговиот удар, но топката повторно дојде до Мексиканецот кој реализираше за израмнување на 1-1.

Во 92. минута Хегелер постигна фантастичен погодок од далечина за значајни три бода за Германците.

Извор: 24FUDBAL.com.mk