Тренерот на Интер, Жозе Мурињо не е загрижен многу за шпекулациите од медиумите дека може да добие отказ, тој вели дека за една недела може да најде нов клуб...

Интер беше понижен на Ноу Камп, Барселона ги надигра Нероазурите и заслужено победи со 2-0.

По лошата игра на Интер се појавија многу гласини дека Морати полека го губи трпението и можно е да му даде отказ на Мурињо доколку Португалецот не го поправи впечатокот во Лигата на Шампионите.

Сепак, Жозе Мурињо не смета дека поразот од Барселона е голем срам, и не е засегнат од гласините.

"Поразот од Барселона е лош за италијанскиот фудбал? Да, но не толку лош како пораз од Бордо на гостински терен или како пораз дома од Цирих".

"Прочитав дека веќе се најдени тренери кои ќе ме заменат, но тоа не е мој проблем. Доколку бидам отпуштен ќе се вратам на работа за една недела" - вели Жозе Мурињо.

Натпреварот од последното коло против Рубин Казан, ќе биде одлучувачки за иднината на Интер во Лигата на Шампионите, можеби и за иднината на Мурињо во овој клуб.

Powered by: 24 FUDBAL.com.mk