Англија | Баерн Минхен со 3-1 го победи Манчестер Сити на негов терен, Баварците доминираа на Етихад Стадионот, ЦСКА Москва го победи Плзен...

Во дербито на денот од Лигата на Шампионите, Баерн Минхен победи на гостувањето кај Манчестер Сити.

Тимот на Пеп Гвардиола имаше апсолутна доминација на теренот, Манчестер Сити не успеваше да му парира на шампионот.

Резултатот беше отворен уште во 7. минута кога Рибери постигна погодок од далечина.

По десет минути игра во второто полувреме, асистенција од Данте, Милер се најде осамен пред Харт и реализираше за водство од 2-0.

Само три минути подоцна, Робен го зголеми резултатот и на 3-0.

Милер имаше можност да зголеми и на 4-0, но неговиот удар заврши во стативата од голот на Харт.

На десет минути пред крајот Негредо реализираше за 3-1, Сити го намали резултатот и тргна кон интересна завршница.

А така ќе беше доколку Давид Силва погодеше од слободен удар, неговиот шут заврши во пречката од голот на Нојер.

На слободниот удар му претходеше професионален фаул од Боатенг поради кој заработи директен црвен картон.

Во првиот натпревар од оваа група ЦСКА Москва со 3-2 славеше над Викторија Плзен.

Гостите поведоа со голот на Рајторал, но ЦСКА Москва брзо направи пресврт со погодоци на Тошиќ и Хонда.

Следуваа два смешни погодоци, напрво Режник си постигна автогол за водство на ЦСКА од 3-1, катастрофална интервенција на голманот Козачик.

Во 91. минута кикс на спротивната страна, за погодок на Бакос и конечни 3-2.

Извор: 24FUDBAL.com.mk