Лига на Шампиони | Рафа Бенитез вели дека ’Наполитанците’ направиле грешки што не можеле да си ги дозволат против тим како Арсенал па затоа со пораз заминале од Лондон...

’Топџиите’ притиснаа силно од самиот старт и стигнаа до предност од два гола по само 15 минути игра.
 
Рафа Бенитез вели дека неговите израници одиграле лошо во воведниот дел од средбата, направиле наивни грешки и Арсенал знаел како да го искористи тоа.
 
„Започнавме лошо” – рече Шпанецот. „Кога губите со 2-0 на почетокот од натпреварот против противник како Арсенал, работите стануваат навистина тешки”.
 
„Во вториот дел заигравме подобро но беше многу тешко да направиме кам-бек”.
 
„Им кажав на моите играчи да бидат фокусирани од самиот стар бидејќи очекува Арсенал веднаш да нападне со сите сили. Но и покрај ова примивме два гола”.
 
„Не сум сигурен дали ни недостасува искуство, но направивме наивни грешки, и кога правите грешки во Лигата на Шампионите, секако дека ќе платите”.
 
„Направивме грешка на стартот и примивме гол. Потоа капитулиравме уште еднаш, и од тој момент натпреварот стана многу тежок, особено што Арсенал е топ тим“.
 
„Сепак, ова е само еден натпревар и верувам дека Наполи сеуште не го кажал својот збор во оваа група”.
 
„Ни следи натпревар со Марсеј, средбата ќе биде тешка, но мора да забележиме добар резултат”.

Извор: 24FUDBAL.com.mk