Лига на Шампиони | Атлетико Мадрид ја продолжи фантастичната победничка серија, овој пат на мета беше Порто, немаше погодоци на натпреварот помеѓу Зенит и Австрија Виена...
Девета победа по ред за Атлетико Мадрид во сите натпреварувања, одличната форма во Примера ја пренесуваат и во Лигата на Шампионите.
Овој пат настрада Порто и тоа на свој терен, Атлетико Мадрид славеше со 2-1.
Домаќините имаа солиден почеток, поведоа со голот на Џексон Мартинез во 16. минута од натпреварот.
По десетина минути игра во вториот дел, Годин го изедначи резултатот на 1-1.
А на четири минути пред крајот, мајсторски изведен слободен удар на Атлетико Мадрид, Арда Туран постигна гол за победа од 2-1.
Погодокот на Туран беше постигнат од офсајд, но судиите не го забележаа тоа, па Атлетико Мадрид се радуваше на победата.
Зенит влезе како сериозен фаворит во дуелот со Австрија Виена, но немаше погодоци во Русија.
Пред крајот на првото полувреме Витсел можеби престрого заработи директен црвен картон, по што дополнително беше отежната работата за домашниот тим.
Извор: 24FUDBAL.com.mk
