Лига на Шампиони | Тренерот на Милан, Масимо Алегри вели дека неговите фудбалери мора да го дадат најдоброто од себе за да победат на гостувањето кај Ајакс...

Милан вечерва гостува на Амстердам Арената, каде ќе се обиде да дојде до победа која би била голем чекор кон осминафиналето во Лигата на Шампионите.
 
Масимо Алегри има почит кон Ајакс и верува дека тие мора да го дадат најдоброто од себе доколку сакаат да дојдат до трите бода.
 
„Нема лесни натпревари во Европа. Ајакс игра добар фудбал па мораме да бидеме внимателни. Мора да го дадеме најдоброто за да победиме" - вели Алегри.
 
„Доколку победиме, ќе имаме добра шанса да се квалификуваме во следната фаза и ќе бидеме порелаксирани на дуелите со Барселона кои ќе бидат многу тешки".
 
„Добро го анализиравме Ајакс, Урби Емануелсон и Најџел де Јонг ни помогнаа во тоа. Мораме максимално фокусирано да влеземе во натпреварот".

Извор: 24FUDBAL.com.mk