Лига на Шампиони | Тренерот на Барселона, Тата Мартино вели дека отсуството на Меси не смее да биде оправдување во случај Каталонците да не дојдат до победа против Селтик...
Барса вечерва му гостува на Селтик, тимот кој знаел да извади добри резултати против шампионот на Шпанија.
Поради повреда во редовите на Барса ќе го нема Лео Меси, но Тата Мартино вели дека тоа не смее да биде било какво оправдување за кикс на Селтик Парк.
„Меси е најдобриот фудбалер во светот, но ние имаме и други големи играчи, па неговото отсуство не може да биде оправдување доколку не оствариме добар резултат" - вели Мартино.
„Не сум сигурен дали неговото отсуство е тест за другите фудбалери. Сме имале и други натпревари без Меси".
„Претпоставуваме дека овој дуел ќе биде сличен на оној од минатата година, но ќе видиме. Треба да бидеме внимателни на долгите топки и да не смееме лесно да им ја даваме топката".
„Во тимот земавме и млади фудбалери од Барселона Б, бидејќи ни требаат централни дефанзивци поради тоа што Маскерано, Пујол и Алба се надвор од стројот поради повреди".
„Не верувам во одмазда кога станува збор за фудбалот. Од играчите на Барса секогаш се очекува да одиграат добро. Сакаме да имаме добар натпревар".
„Јас сеуште се обидувам да се адаптирам како тренер на Барселона. Имаме одлични резултати, но вистина е дека треба да играме подобар фудбал".
Извор: 24FUDBAL.com.mk
